Haukur Heiðar Hauksson varnarmaðurinn knái hefur spilað sinn síðasta leik á ferlinum. Hann ákvað að hætta eftir að hafa meiðst á æfingu á dögunum.
Haukur hefur glímt við mikið af meiðslum undanfarin ár en hann er aðeins þrítugur.
Haukur snéri heim úr atvinnumennsku árið 2019 og gekk í raðir uppeldisfélagsins en hann lék einnig með KR á ferli sínum hér heima.
„Eftir að hafa barið hausnum við vegg í 5 ár hef ég ákveðið að segja þetta gott. 4 titlar og 1 EM. Takk fyrir mig,“ skrifaði Haukur Heiðar á Instagram.
Haukur var í EM hópi Íslands árið 2016 en hann kom ekki við sögu í neinum af þeim fimm leikjum sem Ísland tók þátt í.