Það gengur lítið hjá Cristiano Ronaldo, sóknarmanni Manchester United þessa dagana innan vallar. Ronaldo varð á dögunum 37 ára og þurfti að bíta í það súra að vera á varamannabekk Manchester United í leik liðsins gegn Burnley í ensku úrvalsdeildinni í gær.

Ronaldo kom inn á sem varamaður á 68. mínútu fyrir Edinson Cavani en tókst ekki að setja mark sitt á leikinn. Ronaldo hefur nú spilað í fimm leikjum í röð án þess að skora og það jafnar met hans á knattspyrnuferlinum yfir spilaðan leiki án þess að skora mark.

Ronaldo var auðsjáanlega pirraður eftir leikinn er hann strunsaði til búningsherbergja án þess að þakka stuðningsmönnum Manchester United fyrir stuðninginn.

Á meðan að Ronaldo gengur erfiðlega innan valla er eiginkona hans Georgina Rodriguez að slá í gegn í nýjum raunveruleikaþáttum sem eru aðgengilegir á streymisveitunni Netflix. Nú hefur verið ákveðið að gera aðra seríu af þáttunum sem mun meðal annars sýna frá lífi þeirra í Manchester.

Samningurinn sem Georgina gerði við Netflix færir henni margar milljónir punda en spennandi tímar eru framundan hjá fjölskylunni. Georgina gengur með tvíbura og heimildarmaður The Sun segir Georginu líta á þetta sem frábært tækifæri til þess að sýna heiminum hver hún er í raun og veru.