Jón Daði Böðvarsson kom inn á sem varamaður þegar tæpar 20 mínútur lifðu leiks í 2-1 sigri Bolton gegn Charlton í ensku C-deildinni í kvöld.
Íslenski landsliðsmaðurinn gekk til liðs við Bolton í janúarglugganum frá Millwall. Hefur liðið verið á miklu skriði síðan. Bolton hefur unnið fimm af síðustu sex leikjum sínum.
Liðið er komið upp í tíunda sæti deildarinnar með 42 stig.
