Manchester United getur bara fengið inn leikmenn á láni í janúar þar sem mennirnir við stjórnvölinn eru ekki til í að eyða pening í leikmannakaup.

Þetta kemur fram á The Athletic.

Margir héldu að United myndi kaupa Cody Gakpo í janúar en hann er að fara til Liverpool. Félagið mun alls greiða PSV um 45 milljónir punda fyrir þjónustu hins 23 ára gamla Gakpo. Það var tilbúið að greiða meira en United í fyrstu greiðslu, en Liverpool greiðir PSV 37 milljónir punda strax og á svo restin eftir að bætast ofan á.

Þegar æðstu menn hjá United heyrðu af þessum áformum Liverpool sættu þeir sig við að stríðið væri tapað og að Gakpo færi á Anfield, þrátt fyrir að sóknarmaðurinn, sem getur leyst allar stöður fremst á vellinum, hafi verið helsta skotmark Erik ten Hag, stjóra United, fyrir janúargluggann.

Það eru því fjárhagslegar ástæður fyrir því að Gakpo fer ekki á Old Trafford.

Það virðast ekki vera til miklir fjármunir hjá United eins og er til að eyða og ætlar félagið að bíða fram á sumar með leikmannakaup, nema hægt verði að fá leikmenn ódýrt.

Það verður hins vegar hægt að fá inn menn á láni.