Það kemur ekki til greina hver er besti knattspyrnumaður allra tíma ef þú spyrð Pep Guardiola, stjóra Manchester City.
Guardiola segir að aðeins einn komi til greina og er það Lionel Messi sem vann HM með Argentínu fyrr í mánuðinum.
Guardiola þekkir vel til Messi en þeir unnu á sínum tíma saman hjá Barcelona á Spáni.
,,Allir eru með sína skoðun en enginn getur efast um það að hann er besti fótboltamaður allra tíma,“ sagði Guardiola.
,,Fyrir mig þá er hann sá besti, það er erfitt að ímynda sér leikmann sem mun gera það sama og hann.“
,,Fólk sem sá Pele, Maradona eða Di Stefano, þær skoðanir hafa mikla þýðingu. Ef hann hefði ekki unnið HM hefði það ekki skipt neinu máli.“
