Sú ákvörðun FIFA að banna fyriliðaband á HM í Katar sem ætlað var að styðja við hinsegin samfélagið hefur vakið fremur hörð viðbrögð.
Fjöldi Evrópuþjóða hafði ætlað að sýna baráttu hinsegin samfélagsins stuðning en FIFA bannaði það.
Leikmenn hafa þó farið hinar ýmsu leiðir til að koma skilaboðum á framfæri og Harry Kane fyrirliði Englands var einn þeirra.
Kane mætti til leiks á mánudag gegn Íran með Rolex Daytona Rainbow úrið sem kostar litlar 92 milljónir. Úrið er með litum hinsegin samfélagsins.
Ensk blöð kveiktu ekki á þessu lúmska atriði hjá Kane sem var einn þeirra sem ætlaði að bera fyrirliðabandið áður en FIFA fór í hótanir.