Hazard gekk til liðs við Real Madrid frá Chelsea árið 2019. Hann hefur verið mikið meiddur frá því að hann kom til spænsku höfuðborgarinnar og þegar hann hefur spilað þá hefur hann ekki heillað.
Belgíski leikmaðurinn hefur verið orðaður við endurkomu í ensku úrvalsdeildina en West Ham, Everton, Chelsea og Newcastle hafa öll verið orðuð við Hazard.
Samkvæmt El Nacional bauð Newcastle 83 milljónir punda í bæði Hazard og Casemiro og var Florentino Perez, forseti Real Madrid virkilega ánægður með tilboðið.
Leikmennirnir vildu þó ekki yfirgefa spænsku höfuðborgina og fara til Newcastle og er Perez afar ósáttur. Hann er pirraður yfir því að hafa Hazard á launaskrá þegar hann gefur liðinu lítið og skilur ekki afhverju Hazard neitaði að fara til Newcastel.
