Antonio Rudiger vill fá himinnháar fjárhæðir ef hann á að skrifa undir nýjan samning við Chelsea. Miðvörðurinn vill fjögurra ára samning sem myndi færa honum 46 milljónir punda þegar allt er tekið saman. Það samsvarar yfir átta milljörðum íslenskra króna. Þetta kemur fram í frétt Marca.
Samningur Rudiger við Chelsea rennur út í sumar. Vill enska félagið halda honum hjá sér.
Hinn 28 ára gamli Rudiger hefur verið sterklega orðaður við Real Madrid undanfarið. Þá hefur Bayern Munchen einnig verið nefnt til sögunnar.
Verði Chelsea ekki að óskum Þjóðverjans getur hann valið sér félag til að ganga frítt til liðs við næsta sumar.
Rudiger hefur verið á mála hjá Chelsea frá árinu 2017. Hann hefur leikið 179 leiki í öllum keppnum fyrir félagið.
Enski boltinn á 433 er í boði 
