Kyle Walker, varnarmaður Manchester City, og Annie Kilner, eiga samkvæmt enskum götublöðum í nágrannaerjum þessa dagana. Nágrannar segjast hafa heyrt blótsyrði og öskur koma frá húsi hjónanna.
Walker og Kilner búa í fínu úthverfi í Manchester og þykir hegðun þeirra því ekki sæmandi. ,,Nágrannarnir eru svo pirraðir. Þetta er fínt hverfi og þau nota oft ljót orð,“ sagði heimildamaður The Sun.
Kilner er sögð vera brjáluð út í nágranna sína vegna þessara ásakana. ,,Nágrannarnir tala ekki lengur við þau,“ sagði heimildamaðurinn.
Samkvæmt þessum heimildamanni heyrast mikil læti frá bæði garði Walker og Kilner sem og innan úr húsinu sjálfu. Þá kemur einnig fram að Kilner sé ansi oft öskuill.