Alex Freyr Elísson er á leið til Breiðabliks. Það er sagt frá þessu í hlaðvarpsþættinum Dr. Football.
Hinn 24 ára gamli Alex spilar aðallega í stöðu hægri bakvarðar og hefur staðið sig virkilega vel með nýliðum Fram á þessari leiktíð. Þá hefur hann skorað tvö mörk í nítján leikjum í Bestu deildinni.
Það kemur ekki fram í þættinum hvað Breiðablik borgar mikið fyrir leikmann. Þó segir Albert Brynjar Ingason að fjórum milljónum króna hafi verið hafnað af Fram á dögunum. Tilboðið er því hærra en það.
Gangi skiptin eftir gengur Alex í raðir Breiðabliks í haust.
