Það kom ekki til greina af neinni alvöru hjá Napoli að semja við Cristiano Ronaldo í sumarglugganum.

Ronaldo reyndi að komast burt frá Manchester United í sumar en það gekk illa og var Napoli lengi talinn líklegasti áfangastaðurinn.

Samkvæmt yfirmanni knattspyrnumála Napoli, Cristiano Giuntoli, þá var það ekki stefna félagsins að semja við Ronaldo.

Ronaldo er orðinn 37 ára gamall og hefur ekki byrjað af miklum krafti með Man Utd á þessu tímabili.

,,Í glugganum þá þykjumst við tala við alla leikmenn og stundum gerum við það að alvöru en við vildum bara fjárfesta í ungum leikmannahóp,“ sagði Giuntolo.

,,Við ræddum aldrei um Ronaldo. Í fótboltanum veistu aldrei hvað gerist en við erum ánægðir með þann hóp sem við erum með og erum með keppnishæft lið.“