Enn einn leikmaðurinn hefur verið losaður frá Barcelona en félagið hefur gert mikið í sumar til að losna við menn af launaskrá.
Góð dæmi um leikmenn eru þeir Rui Puig, Pierre-Emerick Aubameyang, Martin Braithwaite og Samuel Umtiti.
Nú hefur Miralem Pjanic verið leystur undan samningi hjá Barcelona sem reynir að laga eigin fjárhagsstöðu.
Pjanic er 32 ára gamall og kim til Barcelona frá Juventus árið 2020 en lék aðeins 19 deildarleiki.
Hann hefur skrifað undir samning við Sharjah í Sameinuðu arabísku furstadæmunum og mun leika þar næstu tvö árin.
Pjanic var frábær fyrir Roma frá 2011 til 2016 og lék einnig yfir 120 leiki í Serie A fyrir Juventus.
