Leikmönnum Paris Saint-Germain hefur verið bannað að drekka gos á milli leikja og æfina.

Luis Campos, nýr yfirmaður íþróttamála, réði næringafræðing til félagsins í sumar og ákveður hann þetta.

PSG ætlar að taka til í agamálum hjá sér. Christophe Galtier var ráðinn stjóri liðsins á dögunum.

Mikið af stjörnum er á mála hjá franska stórveldinu, eins og Lionel Messi, Neymar og Kylian Mbappe. Mikilvægt er að halda mönnum á jörðinni.

PSG hefur verið með nokkra yfirburði í Frakklandi undanfarin ár. Þó vill félagið ná lengra í Evrópu og vinna Meistaradeild Evrópu á næstunni. Því er félagið farið að spá í meiri smáatriðum, til að auka líkurnar á að það gerist.