Playboy-fyrirsætan Daniella Chavez vinnur nú í að safna nægum pening til að kaupa knattspyrnufélag í heimaborg sinni, Rancagua í Síle.
O’Higgins heitir félagið og vill Chavez ólm eignast það, enda mikill stuðningsmaður félagsins.
Chavez safnar fyrir félaginu með því að vera virk á OnlyFans. Þar þurfa áskrifendur að reiða fram þrjú þúsund krónur á mánuði til að fylgjast með henni.
Chavez hefur þegar safnað rúmum milljarði íslenskra króna. Hún þarf þó líklega um það bil 1,6 milljarð til viðbótar til að kaupa O’Higgins.
Viðskiptamaðurinn Ricardo Abumohor er eigandi O’Higgins. Chavez gagnrýnir hann harðlega.
„Ég hélt að honum væri meira alvara. Ég gæti gert miklu meira en hann. Ég er héðan og er stuðningsmaður, ekki hann,“ segir Chavez.
