Serie A, ítalska efsta deildin, hefur samþykkt að gera breytingu á fyrirkomulagi fyrir komandi leiktíð.
Frá og með næstu leiktíð verður það svo að ef tvö lið enda jöfn að stigum á toppi deildarinnar verður leikinn úrslitaleikur þeirra á milli.
Síðustu ár hafa innbyrðistviðureignir ráðið í Serie A ef lið eru jöfn á stigum en nú verður breyting þar á.
Úrslitaleikurinn getur þó aðeins orðið á milli tveggja efstu liða í deildinni. Verði lið jöfn á öðrum stöðum deildarinnar munu innbyrðisviðureignir áfram ráða úrslitum.
AC Milan er ríkjandi Ítalíumeistari. Liðið vann sinn fyrsta meistaratitil í ellefu ár á síðustu leiktíð. Þar áður unnu nágrannar þeirra í Inter, sem voru með því að binda endi á margra ára einokun Juventus á Ítalíumeistaratitlinum.
Serie A hefst á ný þann 13. ágúst.