Juventus er enn ekki búið að ná samkomulagi við Paul Pogba um að fá leikmanninn í sínar raðir.
Það er Sky Sports sem greinir frá þessu en Pogba verður laus allra mála á morgun er samningur hans rennur út.
Pogba hefur leikið með Manchester United undanfarin sex ár en hann var einmitt fyrir það hjá Juventus.
Juve er í raun eina liðið sem er talið vera í myndinni hjá Pogba en samningar hafa þó ekki náðst að sögn Sky.
Ítalska liðið er að vinna í fjögurra ára samning en Pogba er þessa stundina staddur í Miami.