Vonarstjarnan Phil Foden sem leikur með Manchester City lenti í vandræðum í Grikklandi um helgina en hann er nú staddur í sumarfríi eins og margir aðrir leikmenn.
Myndband náðist af Foden og kærustu hans, Rebecca Cooke, þar sem þau rifust heiftarlega á ströndinni áður en sá fyrrnefndi stormaði að lokum burt í reiðiskasti.
Ástæðan fyrir rifrildinu er að Rebecca stalst í síma Foden á meðan hann skrapp í sjóinn og gerði hún það í leyfisleysi.
Rebecca hefur séð eitthvað í símanum og var virkilega reið en atvikið náðist upp á myndband sem var sent á enska miðla.
,,Heldurðu að ég sé fáviti?“ öskraði Rebecca á Foden í rifrildinu en öryggisverðir voru kallaðir á staðinn stuttu seinna.
,,Hann fór að synda og hún stalst í símann hans og snöggreiddist. Þau rifust heiftarlega á ströndinni áður en öryggisverðir blönduðu sér í máli,“ er haft eftir vitni í samtali við the Sun.
Foden stormaði burt en stuttu seinna hófst rifrildið aftur við bar staðarins á meðan öryggisverðir fylgdu þeim burt.
Það ríkir ekki mikið traust þarna á milli eftir að Foden hélt framhjá kærustu sinni í landsliðsferð með Englandi hér á Íslandi árið 2020.