Borussia Dortmund er búið að gefa grænt ljós á að miðjumaðurinn Thorgan Hazard semji við nýtt félag í sumar.
Hazard hefur spilað með Dortmund undanfarin þrjú ár en hann gerði fyrst vel með Borussia Monchengladbach í Þýskalandi.
Meiðsli hafa sett strik í reikning leikmannsins sem byrjaði aðeins átta leiki á síðustu leiktíð og er ekki inni í myndinni hjá Edin Terzic.
Newcastle ku horfa til leikmannsins sem er fáanlegur í sumar en það er nóg til hjá félaginu eftir að nýir eigendur frá Sádí Arabíu tóku yfir.
Eden Hazard er bróðir Thorgan en hann gerði garðinn frægan með Chelsea á Englandi áður en hann hélt til Real Madrid.
Thorgan er 29 ára gamall en hann hefur skorað 12 mörk í 72 leikjum fyrir Dortmund á þremur árum.
