Sigurvin Ólafsson hefur látið af störfum sem þjálfari Lengjudeildarliðs KV. Félagið hefur greint frá þessu.
Hann hefur verið sterklega orðaður við stöðu aðstoðarþjálfara hjá FH og mun að öllum líkindum taka við þeirri stöðu nú. Eiður Smári Guðjohnsen tók við sem aðalþjálfari í gær. Ólafur Jóhannesson og Sigurbjörn Hreiðarsson voru reknir á dögunum.
Sigurvin mun stýra KV gegn Þrótti Vogum í Lengjudeildinni á miðvikudag áður en hann lætur formlega af störfum. Þetta segir í tilkynningu félagsins.
Gafferinn kveður.
Við þökkum Venna fyrir frábæra tíma hjá félaginu, árangurinn talar sínu máli og við getum ekki verið stoltari af okkar manni.
Venni mun stýra liðinu gegn Þrótti V. á miðvikudag og láta svo formlega af störfum. pic.twitter.com/HZqD0FXjCX
— KV Fótbolti (@KVfotbolti) June 20, 2022
