Átta leikmenn Manchester United eru á leið inn í sitt síðasta ár á samningi hjá félaginu. Stærsta nafnið þar er Cristiano Ronaldo.

Ronaldo verður 38 ára á næsta tímabili en United hefur möguleika á að framlengja samning hans um eitt ár.

Marcus Rashford er einn af þeim sem verður samningslaus næsta sumar og er búist við að United bjóði honum nýjan samning.

Samningur Fred rennur út næsta sumar en hann lék 36 deildarleiki á síðustu leiktíð og var í stóru hlutverki.

David De Gea verður samningslaus næsat sumar en hægt er að framlengja samning hans um eitt ár. Luke Shaw er með sömu stöðu, hann verður samningslaus en United getur framlengt samninginn um eitt ár.

Phil Jones og Tom Heaton eru einnig í hópi þeirra sem verða samningslausir eftir eitt ár og sömu sögu er að segja af Diogo Dalot.

Erik ten Hag stjóri United sem mætti til starfa í sumar mun hafa mikið um það að segja hvaða leikmenn fá nýja samninga.