Atletico Madrid og Manchester City mættust í seinni leik liðanna í 8-liða úrslitum Meistaradeildar Evrópu í kvöld. Fyrri leik liðanna lauk 1-0 fyrir Man City á Etihad-vellinum.
Gestirnir voru líklegri aðilinn til að skora í annars tíðindalitlum fyrri hálfleik. Hiti færðist í leikinn er leið á seinni hálfleik og var ansi stuttur í mönnum þráðurinn. Atletico sótti í sig veðrið þegar leið á og varnarmenn Man City þurftu nokkrum sinnum að bregðast við. Allt kom þó fyrir ekki. Niðurstaðan varð markalaust jafntefli og Man City fer því áfram samanlagt.
Sem fyrr segir var mikill hiti í leiknum, þá sérstaklega undir lok hans.
Stefan Savic, leikmaður Atletico Madrid, var einn af þeim sem hagaði sér illa í leiknum. Jack Grealish, sem var ónotaðaður varamaður í leiknum fyrir City, ákvað að nota nokkur vel valin orð við hann þegar hann hafði tækifæri. Myndband af þessu má sjá hér að neðan.
lmaooooo @JackGrealish “you’re a cunt” pic.twitter.com/mzrG0eSsmj
— tom (@_Bish___) April 13, 2022
BT Sport greindi svo frá því í útsendingu eftir leik að lögregla hafi elt Savic niður leikmannagönginn. Leikmaðurinn virtist ósáttur við Grealish.