Rætt var um mál sem kom upp í tengslum við blaðamannafund íslenska kvennalandsliðsins í knattspyrnu í vikunni í Íþróttavikunni með Benna Bó sem sýnd var á föstudagskvöld á Hringbraut. Á blaðamannafundinum var Sara Björk Gunnarsdóttir, leikmaður liðsins, sem sneri aftur í landsliðið eftir barnsburð, spurð að því hvar barnið hennar væri.
,,Sara Björk var spurð um guttann sinn Ragnar Frank á blaðamannafundi íslenska landsliðsins og ég var ekki alveg viss hvers vegna þessi reiði vegna spurningarinnar vaknaði upp,“ sagði Benedikt Bóas, umsjónarmaður Íþróttavikunnar.
,,Þannig að ég tók mig til og spurði kynjafræðikennara sem ég þekki út í þetta og fékk eftirfarandi svar:“
‘Í kynjakerfinu og rótgrónum hugmyndum eru það konur sem hugsa um börn. Þetta er sama og ef pabbi passar eða ef menn sinna börnum þá eru þeir að rústa foreldrageiminu. Ástæða til pirrings og svona rótgrónar hugmyndir um kynin og hlutverk þeirra sé ennþá jarðvegur spurningar og nálgun kynjanna, sama umræða og þriðju vaktar umræðan. ‘
,,Forsagan er sú að Sara var spurð að því hvar barnið væri og það er í góðum höndum pabba síns. Þetta hefur ábyggilega dýpri rætur en ég hef skilning á en mér finnst þetta líka bara diss á Árna Villhjálmsson, unnusta Söru,“ sagði Hörður Snævar Jónsson, einn af sérfræðingum þáttarins. ,,Að hann sé ekki í stakk búinn til þess að hugsa um barnið í tvær vikur.“
Albert Brynjar Ingason, hinn sérfræðingur þáttarins segir spurninguna vera diss á bæði Söru og Árna, unnusta hennar. ,,Hún á ekki að þurfa svara þessari spurningu og svo diss á Árna. Ef hún er ekki bara gert ráð fyrir því að pabbinn sé með barnið.“
Nánari umræðu um málið má sjá hér fyrir neðan.