Liverpool hefur hafnað tveimur tilboðum í Takumi Minamino en Jurgen Klopp vill halda í miðjumanninn frá Japan.
Minamino hefur verið í aukahlutverki frá því að hann kom til Liverpool. Minamino var lámaður til Southampton á síðustu leiktíð og átti góða spretti.
Miðjumaðurinn hefur spilað 18 leiki á þessu tímabili en aðeins þriðjungur þeirra var í byrjunarliði.
Leeds United og Monaco hafa viljað kaupa Minamino nú í janúar en Liverpool hefur hafnað fyrirspurnum þeirra.
Liverpool er að ganga frá kaupum á Luis Diaz kantmanni Porto en fjöldi blaðamanna í Bretlandi segir frá því.
Kaupverðið verður í kringum 50 milljónir punda en Liverpool borgar væna summu fyrst og svo eru bónusar í boði.