Varnarmaðurinn Sead Kolasinac hefur gengið til liðs við franska úrvalsdeildarfélagið Marseille á frjálsri sölu frá Arsenal.
Bosníumaðurinn kom frá Schalke til Arsenal í júní 2017.
Hann lék 118 leiki fyrir félagið, og skoraði í sínum fyrsta leik í 1-1 jafntefli gegn Chelsea í leiknum um Samfélagsskjöldinn.
Arsenal sagði í yfirlýsingu að ákvörðunin um að láta leikmanninn fara hafi verið tekin í sameiningu og þakkaði honum fyrir framlag sitt til félagsins.
Kolasinac kom við sögu í sigri Arsenal á Chelsea í úrslitum enska bikarsins árið 2020.