Hafliði Breiðfjörð, eigandi Fótbolta.net, greindi frá athyglisverðu atviki er hann var við ljósmyndun á leik Þróttar og Víkings Ólafsvík í Lengjudeild karla í dag.
Guðlaugur Baldursson, oft kallaður Laugi, vildi fá dæmda hendi í aðdraganda jöfnunarmaks Víkinga í leiknum. Hann lét Egil Arnar Sigurþórsson, dómara leiksins, vita af því. Upp úr urðu kostuleg orðaskipti.
,,Ég heyri oft meira þegar ég er að taka myndir á fótboltaleikjum. Núna er ég á Þróttur – Víkingur Ólafsvík. Laugi að kvarta í Agli dómara, vildi fá dæmda hendi í marki Víkinga. Egill segir bara nei og sestu sem pirraði Lauga mikið: ,,Sestu? Heldurðu að ég sé hundurinn þinn?““ skrifaði Hafliði á Twitter.
Um er að ræða leik tveggja langneðstu liða Lengjudeildarinnar. Staðan þegar þetta er skrifað er 1-2 fyrir Víkinga nú þegar fyrri hálfleik er nýlokið.
Ég heyri oft meira þegar ég er að taka myndir á fótboltaleikjum. Núna er ég á Þróttur – Víkingur Ólafsvík. Laugi að kvarta í Agli dómara, vildi fá dæmda hendi í marki Víkinga. Egill segir bara nei og sestu sem pirraði Lauga mikið: ,,Sestu? Hvað heldurðu að ég sé hundurinn þinn?"
— Hafliði Breiðfjörð (@haflidib) September 5, 2021