fbpx
Þriðjudagur 01.júlí 2025
433Sport

Einn stór leikþáttur og mistök í máli Kolbeins? – „Berg­máls­hell­ir­inn á Twitter end­ur­spegl­ar ekki alltaf vilja þjóðar­inn­ar“

Hörður Snævar Jónsson
Þriðjudaginn 28. september 2021 08:55

Ekki missa af Helstu tíðindum dagsins í pósthólfið þitt

Lesa nánar

Arnar Þór Viðarsson mun á fimmtudag velja landsliðshóp sinn fyrir komandi leiki í undankeppni HM. Liðið á tvo síðustu heimaleiki sína í riðlinum í næsta mánuði. Mikið hefur gengið á hjá KSÍ undanfarin farin mánuð en eins og öllum er kunnugt sagði stjórnin og formaður af sér. Var það eftir að stjórnin var sökuð um hylma yfir meint kynferðisbrot leikmanna.

Arnari var bannað að velja Kolbein Sigþórsson í síðasta verkefni af stjórn sambandsins, sem svo sagði af sér. Ljóst er að Kolbeinn verður ekki í þessu verkefni eftir að hafa gengist undir aðgerð.

„Það verður afar áhuga­vert að sjá hvaða leik­menn verða vald­ir í hóp­inn að þessu sinni en eins og flest­ir vita var mikið fjöl­miðlafár í kring­um síðasta leik­manna­hóp karla­landsliðsins. Guðni Bergs­son sagði af sér sem formaður KSÍ fljót­lega eft­ir að sá hóp­ur var til­kynnt­ur og stjórn KSÍ fylgdi svo í kjöl­farið „Þá var Kol­beini Sigþórs­syni meinað að mæta í verk­efnið af stjórn KSÍ og Rún­ar Már Sig­ur­jóns­son ákvað að draga sig úr hópn­um. Kol­beinn er ekki til taks fyr­ir næsta verk­efni vegna meiðsla en hefði hann gefið kost á sér núna yfir höfuð ef hann væri heill heilsu?,“ skrifar Bjarni Helgason blaðamaður á Morgunblaðinu um stöðu mála.

Bjarni veltir því fyrir sér hvort það hafi ekki verið einn stór leikþáttur og í raun mistök af hálfu stjórnar KSÍ að aðhafast í máli Kolbeins sem kom upp árið 2017 og sátt ári síðar. Málið fór í fréttir eftir að Þórhildur Gyða Arnarsdóttir steig fram og sagði sögu sína frá 2017, hún hefur ítrekað sagt að hún hafi náð sátt við Kolbein en henni blöskraði vinnubrögð KSí og steig því fram.

„Sátt náðist í hans mál árið 2018 og því spyr maður sig eðli­lega hvort þetta hafi ekki bara verið einn stór leikþátt­ur og hrein og klár mis­tök hjá stjórn KSÍ að banna hon­um að mæta í leik­ina gegn Rúm­en­íu, Norður-Makedón­íu og Þýskalandi enda stjórn­in meira en meðvituð um meint brot hans fyr­ir fjór­um árum. Maður­inn baðst af­sök­un­ar og greiddi him­in­há­ar bæt­ur. Var nauðsyn­legt að refsa hon­um enn frek­ar og þá hversu lengi?,“ skrifar Bjarni.

Bjarni segir að dómstóll samfélagsmiðilsins Twitter sé vægðarlaus en hann endurspegli ekki mat þjóðarinnar eins og alþing­is­kosning­ar um liðna helgi sanna.

„Dómstöll göt­unn­ar Twitter er vægðarlaus, svo mikið er víst, en eins og nýliðnar alþing­is­kosn­ing­ar sýndu fram á end­ur­spegl­ar berg­máls­hell­ir­inn á Twitter ekki alltaf vilja þjóðar­inn­ar. Ég óska þess að ný stjórn KSÍ taki á öll­um kyn­ferðis- og of­beld­is­mál­um af mik­illi festu en það þarf líka að anda inn, og svo út, þegar svona mál eru til umræðu,“ skrifar Bjarni í Morgunblaðið í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 13 klukkutímum

Valur býður upp á einn flottasta knattspyrnuskóla landsins – Lagerback, Heimir, Hannes Þór og fleiri góðir þjálfa

Valur býður upp á einn flottasta knattspyrnuskóla landsins – Lagerback, Heimir, Hannes Þór og fleiri góðir þjálfa
433Sport
Fyrir 13 klukkutímum

Karólína tjáir sig um sögusagnirnar og gefur sterkar vísbendingar

Karólína tjáir sig um sögusagnirnar og gefur sterkar vísbendingar
433Sport
Fyrir 15 klukkutímum

Forseti Sporting glerharður – Telur upp leikmenn sem Arsenal og United hafa keypt í sumar

Forseti Sporting glerharður – Telur upp leikmenn sem Arsenal og United hafa keypt í sumar
433Sport
Fyrir 15 klukkutímum

Samtal Liverpool við enska landsliðsmanninn heldur áfram í vikunni

Samtal Liverpool við enska landsliðsmanninn heldur áfram í vikunni
433Sport
Fyrir 22 klukkutímum

Valinn besti leikmaður liðsins en vill nú fara – Alls ekki hrifinn af nýja stjóranum

Valinn besti leikmaður liðsins en vill nú fara – Alls ekki hrifinn af nýja stjóranum
433Sport
Í gær

Óttast ekki að missa sæti sitt ef Williams kemur í sumar

Óttast ekki að missa sæti sitt ef Williams kemur í sumar