Bayern Munchen vann þægilegan útisigur á Greuther Furth í þýsku Bundesligunni í kvöld.
Thomas Muller kom þeim yfir á 10. mínútu. Joshua Kimmich tvöfaldaði forystuna svo eftir rúman hálftíma leik.
Snemma í seinni hálfleik fékk Benjamin Pavard, leikmaður Bayern, rautt spjald.
Þrátt fyrir það leit þriðja mark Bæjara dagsins ljós þegar Sebastian Griesbeck, leikmaður Greuther Furth, setti boltann í eigið net.
Cedric Itten minnkaði muninn fyrir heimamenn á 88. mínútu leiksins. Nær komust þeir ekki, lokatölur 1-3.
Bayern fer vel af stað á leiktíðinni, er á toppi deildarinnar með 16 stig eftir sex leiki.
Greuther Furth er hins vegar aðeins með 1 stig eftir fyrstu sex leiki sína.
