Wolves tók á móti Brentford í 5. umferð ensku úrvalsdeildarinnar í dag. Brentford hafði betur og sigraði 2-0.
Wolves byrjaði leikinn nokkuð vel en vantaði aðeins upp á að ná að skapa færi. Gestirnir fengu vítaspyrnu þegar tæpur hálftími var liðinn af leiknum og skoraði Toney og kom Brentford óvænt yfir gegn gangi leiksins.
Stuttu síðar tvöfaldaði Mbeumo forystu Brentford eftir frábæra stoðsendingu frá Toney. Baptiste fékk sitt annað gula spjald á 64. mínútu og þar með rautt og voru leikmenn Brentford því einum færri út leikinn. Það kom ekki að sök og 0-2 sigur Brentford því staðreynd.
Wolves 0 – 2 Brentford
0-1 I. Toney (´28)
0-2 B. Mbeumo (´34)