Darren Bent, fyrrum enskur landsliðsmaður, telur að Romelu Lukaku muni skora fleiri mörk en Cristiano Ronaldo, sem skrifaði nýverið undir hjá Manchester United, í ensku deildinni í vetur.
„Á þessu tímabili tel ég að Lukaku muni skora fleiri mörk. Þegar þú lítur á Chelsea og mörkin sem liðið skorar þá held ég að mörg þeirra muni koma í gegnum Lukaku,“ sagði Bent á talkSPORT.
„Við vitum hversu góður Ronaldo er en Mason Greenwood mun einnig skora ásamt Fernandes, Cavani og Rashford þegar hann kemur til baka.“
„Hugsanlega mun Ronaldo ekki byrja alla leiki því það er mikið leikjaálag. Ef Lukaku er leikfær, þá mun hann spila.“
„Ég er ekki að segja að Ronaldo muni ekki skora, hann mun alltaf gera það en ég held að Lukaku endi með fleiri. Hann er nú þegar 1-0 yfir!,“ sagði Bent að lokum við talkSPORT.