Fjórir leikir fóru fram í ítölsku Serie A í dag.
Salernitana 0-4 Roma
Öll mörkin komu í seinni hálfleik í stórsigri Roma gegn nýliðum Salernitana.
Lorenzo Pellegrini og Jordan Veretout skoruðu fyrir Roma snemma í seinni hálfleiknum.
Tammy Abraham gerði svo þriðja mark liðsins á 69. mínútu. Pellegrini innsiglaði 0-4 sigur Roma tíu mínútum síðar.
Roma er með fullt hús stiga eftir tvo leiki. Salernitana er án stiga.
AC Milan 4-1 Cagliari
Í sigri AC Milan á Cagliari voru hins vegar öll mörkin skoruð í fyrri hálfleik.
Sandro Tonalo kom Milan yfir á 12. mínútu. Stuttu síðar jafnaði Alessandro Deiola fyrir Cagliari.
Rafael Leao svaraði svo um hæl með öðru marki Milan. Á 24. mínútu kom Olivier Giroud þeim svo í 3-1 með sínu fyrsta marki fyrir félagið.
Frakkinn öflugi skoraði svo aftur með marki af vítapunktinum undir lok fyrri hálfleiks. Lokatölur 4-1.
Milan er með fullt hús stiga eftir tvo leiki. Cagliari er með eitt stig.
Genoa 1-2 Napoli
Napoli vann nauman sigur gegn Genoa á útivelli.
Fabian kom þeim yfir á 39. mínútu. Gestirnir leiddu þar til á 69. mínútu. Þá jafnaði Andrea Cambiaso fyrir Genoa.
Andrea Petagna skoraði hins vegar sigurmark Napoli á 84. mínútu. Lokatölur 1-2.
Napoli er með fullt hús stiga eftir tvo leiki. Genoa er án stiga.
Sassuolo 0-0 Sampdoria