Manchester City hefur boðið 100 milljónir punda í Jack Grealish, stjörnuleikmann Aston Villa. Þetta kemur fram á Telegraph.
Grealish hefur verið orðaður við Englandsmeistaranna í sumar. Nú er að færast alvara í hlutina.
Hjá Villa hafa menn hingað til verið mjög harðir á að halda leikmanninum hjá sér. Þó greindi Guardian frá því í morgun að erfitt væri fyrir félagið að halda honum ef Grealish sjálfur óskar eftir því að fá að fara til City.
Ásamt Grealish er stjörnuframherji Tottenham, Harry Kane, áfram á óskalista Man City.
Kane er sjálfur talinn tilbúinn til þess að yfirgefa Tottenham. Hann er jafnframt spenntur fyrir því að leika fyrir Man City.
Englandsmeistararnir hafa þegar boðið einu sinni í Kane í sumar. 100 milljóna punda tilboði þeirra var hafnað af Tottenham.
Það er ljóst að lið Man City yrði svakalega erfitt við að eiga næsta vetur ef bæði Kane og Grealish koma til félagsins.