Sergio Ramos hefur sent Raphael Varane kveðju í gegnum Instagram vegna yfirvofandi skipta þess síðarnefnda til Manchester United.
Saman hafa þeir myndað sterkt miðvarðapar hjá Real Madrid í mörg ár. Þeir hafa hins vegar báðir yfirgefið félagið í sumar.
Ramos fór til Paris Saint-Germain. Varane verður kynntur til leiks sem nýr leikmaður Man Utd á næstunni.
Ramos þakkaði Varane fyrir árin í skilaboðunum á Instagram. Hann grínaðist einnig aðeins í honum.
,,Kæri Rapha, ég get ekki annað en þakkað þér fyrir þessi ár af vináttu, félagsskap og sigrum. Ég óska þér alls hins besta á nýjum stað sem verður klárlega spennandi. Ef við mætumst, þá heldurðu alltaf með liðinu frá þínu landi ekki satt? Hafðu það gott.“
Þarna í lokin er Ramos auðvitað að vísa í það að Varane er frá Frakklandi, líkt og Paris Saint-Germain.