KR tók á móti Fylki í 14. umferð Pepsi Max deildar karla á Meistaravöllum. Þar sigraði KR örugglega og vann 4-0 stórsigur.
KR-ingar komu grimmir til leiks og voru frábærir í dag. Atli Sigurjónsson kom KR yfir strax á 9. mínútu með frábæru marki. Óskar Örn Hauksson tvöfaldaði forystuna á 38. mínútu þegar hann potaði boltanum yfir línuna eftir skot frá Kennie Chopart. Þannig stóðu leikar í hálfleik.
KR hélt áfram af sama krafti í seinni og skoraði Kristján Flóki þriðja markið á 56. mínútu. Ægir Jarl Jónasson gulltryggði svo sigur KR með fjórða markinu á 78. mínútu.
Þetta þýðir að KR fer upp í 3. sæti deildarinnar. Fylkir er í 9. sæti, fjórum stigum fyrir ofan fallsæti.
KR 4 – 0 Fylkir
1-0 Atli Sigurjónsson (´9)
2-0 Óskar Örn Hauksson (´38)
3-0 Kristján Flóki Finnbogason (´56)
4-0 Ægir Jarl Jónasson (´78)