FH og Haukar gerðu jafntefli í Kaplakrika í Lengjudeild kvenna í kvöld. Leikurinn var liður í 10. umferð.
FH var mun sterkari aðilinn í fyrri hálfleik. Elín Björg Símonardóttir, fyrrum leikmaður Hauka, kom þeim yfir á 38. mínútu.
Það stefndi allt í sigur heimakvenna þegar Hildur Karítas Gunnarsdóttir jafnaði leikinn í uppbótartíma. Lokatölur 1-1.
FH er í öðru sæti deildarinnar með 20 stig. Haukar eru í fimmta sæti með 12 stig.
Þess má þó geta að liðin hafa leikið einum leik meira en önnur lið deildarinnar.