Alfons Sampsted, íslenski landsliðsmaðurinn í knattspyrnu vakti mikla athygli á Instagram á dögunum þegar hann hljóp um Noreg að elta skóinn sinn.
Alfons sem býr í bænum Bodo í Noregi sést þar hlaupa um hálfan bæinn að elta Puma takkaskóinn sinn. Alfons er 23 ára gamall en Bodo/Glimt varð norskur meistari með yfirburðum á síðustu leiktíð.
„Þetta var daginn eftir leik og engin æfing í gangi, ég var búinn að fá smá kjaft frá Puma sem sjá um að græja fyrir mig skó og svona. Ég þurfti að gefa eitthvað til baka,“ sagði Alfons léttur á blaðamannafundi íslenska landsliðsins í gær.
„Égt tók einn í liðinu með mér, við fundum Tik-Tok myndband. Ég var bara að reyna að endurgera það, þetta tók ekki meira en 40-45 mínútur í vinnslu.“
Alfons vonast til að festa sig í sessi í byrjunarliði íslenska landsliðsins á næstu dögum. „Það er markmiðið, bæði til lengri tíma en líka skammtíma markmiðið.“
Myndbandið góða má sjá hér að neðan.
View this post on Instagram