Það má segja að það hafi soðið all hressilega upp úr í Mosfellsbænum í gær. Þar mættust Afturelding og Fjölnir í Lengjudeild karla. Elmar Kári kom Aftureldingu yfir eftir aðeins 7 mínútur. Georg Bjarnason tvöfaldaði forystuna á 65. mínútu. Þá vöknuðu Fjölnismenn og minnkaði Valdimar Ingi muninn á 86. mínútu og Jóhann Árni jafnaði nokkrum mínútum síðar og tryggði Fjölni eitt stig úr leiknum.
Málið verður betur skoðað í markaþætti Lengjudeildarinnar á Hringbraut klukkan 20:00 á mánudag.
Mark Jóhanns Árna kom úr mjög umdeildri vítaspyrnu en annan leikinn í röð telja Mosfellingar að brotið sé á sér.
Að leik loknum sauð allt upp úr í Mosfellsbæ þar sem leikmenn beggja liða tókust á og öryggisgæslan á Fagurverksvellinum skarst í leikinn. Samkvæmt heimildum 433.is var Baldur Sigurðsson leikmaður Fjölnis tekinn hálstaki að leik loknum.
Maðurinn sem tók Baldur hálstaki var starfsmaður hjá Aftureldingu á vellinum, í samtali við blaðamann vildi Baldur ekkert gera úr atvikinu. „Þetta er ekkert til að tala um, við kláruðum þetta eftir leik. Þjálfararnir og dómarar leiksins kláruðu málið,“ sagði Baldur en vildi að öðru leyti ekki ræða málið.
Í myndskeiðinu hér að neðan má sjá hvernig Baldur snöggreiðist en er það eftir umrætt hálstak sem hann vill lítið gera úr.
Sindri Þór Sigþórsson varamarkvörður Aftureldingar var rekinn af velli en eftir rúma mínútu af átökum gengu menn í sitthvora áttina og skildu sáttir. Magnús Már Einarsson þjálfari Aftureldingar stóð og horfði á málið en kom ekki nálægt neinu eins og kjaftasögur hafa verið um.
Sjá má Magnús deila við einn af leikmönnum Fjölnis sem ýtir svo við Magnúsi en þar við situr. Vítaspyrnudóminn og öll lætin að leik loknum
Málið verður betur skoðað í markaþætti Lengjudeildarinnar á Hringbraut klukkan 20:00 á mánudag.
Meira:
Allt varð vitlaust í Mosfellsbænum í gær – Sjáðu myndbandið
