Milos Milojevic, fyrrum þjálfari Víkinga og Breiðabliks er sagður líklegur til þess að taka við sænska stórliðinu Hammarby. Félagið er meðal annars í eigu Zlatan Ibrahimovic.
Jón Guðni Fjóluson er í herbúðum Hammary sem rak Stefan Billborn úr starfi í morgun. Sænskir miðlar segja yfirgnæfandi líkur á því að Milos taki við. er sterklega orðaður við sænska úrvalsdeildarfélagið Hammarby.
Milos er í dag aðstoðarþjálfari Rauðu Stjörnunnar í Serbíu en hann var áður í starfi hjá Mjallby í Svíþjóð.
Milos var lengi vel í íslenskum fótbolta, fyrst sem leikmaður og síðan þjálfari Víkings og Breiðabliks áður en hann hélt út.
Zlatan á tæp 24 prósent í Hammarby en fjöldi Íslendinga hefur leikið fyrir félagið en þar má nefna Birkir Már Sævarsson og Aron Jóhannsson.