Daniel Levy stjórnarformaður Tottenham er í holu en enginn þjálfari sem félagið hefur sýnt áhuga vill taka starfið að sér. Forráðamenn Tottenham höfðu áhuga á Erik ten Hag þjálfara Ajax en hann tekur ekki við.
Forráðamenn Tottenham höfðu látið vita af áhuga sínum á Ten Hag en nú er ljóst að félagið fær hann ekki, Ten Hag krotaði undir nýjan samning til 2023 við Ajax í gær.
Áður hafði félagið skoðað Julian Nagelsmann en hann tók við Bayern og Brendan Rodgers stjóri Leicester hefur ekki áhuga á starfinu.
Tottenham rak Jose Mourinho úr starfi í síðustu viku og leitar félagið að stjóra til að taka við í sumar. Óvíst er í hvaða átt Tottenham fer.
Nuno Espirito Santo stjóri Wolves og Eddie Howe fyrrum stjóri Bournemouth hafa verið nefndir til sögunnar.
