Sara Björk Gunnarsdóttir, landsliðsfyrirliði og leikmaður Lyon, greindi frá þessum gleðifréttum á samfélagsmiðlinum Instagram í dag. Sara og Árni Vilhjálmsson, sem samdi nýverið við Breiðablik, eiga von á sínu fyrsta barni saman.
„Þetta ár reyndist vera aðeins öðruvísi en við bjuggumst við, lítur út fyrir að við verðum þrjú í nóvember. Það sem við hlökkum til,“ skrifaði Sara við myndina á Instagram
Sara Björk er án efa farsælasta fótboltakona okkar Íslendinga. Hún lék lengi með Wolfsburg í Þýskalandi áður en hún skrifaði undir hjá Lyon, einu besta félagsliði í heimi á síðasta ári. Hún varð Evrópumeistari með Lyon á sínu fyrsta tímabili.
Árni er 26 ára en hann gekk nýlega aftur í raðir Breiðablik eftir að hafa verið í atvinnumennsku í rúm sex ár.
Við óskum parinu innilega til hamingju með þessar gleðifréttir.
View this post on Instagram