Hin umdeilda Rebekah Vardy eiginkona Jamie Vardy hefur birt myndir á samfélagsmiðlum sem vakið hafa mikla athygli. Þar fækkar hún fötum heima hjá sér í höllinni sem hjónin eiga.
Rebekah er fimm barna móðir en hún fækkar fötum í myndatöku fyrir forsíðu á ensku blaði. Myndirnar voru teknar á heimili þeirra hjóna sem er eitt það flottasta í nágrenni við Leicester.
Jamie Vardy er einn besti framherja enska boltans og hefur verið það síðustu ár, hann var einn af lykilmönnum í liði Leicster sem óvænt varð enskur meistari árið 2016.
Rebekah Vardy hefur mikið verið í fréttum á Englandi síðustu ár. Coleen Rooney eiginkona Wayne Rooney hefur rétt fram sáttarhönd svo að mál Rebekah Vardy gegn henni endi ekki fyrir dómstólum. Vardy lagði fram kæru eftir að Rooney sakaði hana um að leka gögnum í ensk götublöð.
Vardy kveðst saklaus af málinu en Rooney er til í að láta málið niður falla og greiða sína sekt, ef Vardy er klár í að viðurkenna þátt sinn í lekanum.
Enska götublaðið The Sun hefur síðustu ár flutt mikið af fréttum af Coleen Rooney og eiginmanni hennar, Wayne Rooney. Til að byrja með voru fréttirnar allt um persónulegt líf þeirra hjóna. Til að byrja með voru fréttir The Sun allar réttar, upplýsingarnar komu eftir að Coleen Rooney, hafði deilt upplýsingum með nánum vinum á Instagram.
Coleen skildi ekki af hverju allar þessar upplýsingar rötuðu í The Sun, hún var aðeins með nána vini á þessum lokaða Instagram reikningi. Það kom því ekkert annað til greina en að vinkona eða vinur hennar væri að leka upplýsingum í blaðið. ,,Í nokkur ár hefur einhver sem ég treysti til að fylgja mér á persónulegum Instagram reikningi, lekið upplýsingum í The Sun,“ skrifaði Coleen þegar hún sakaði Vardy um að leka í blöðin.