Jurgen Klopp stjóri Liverpool þarf ekki að hafa áhyggjur af starfi sínu, eigendur félagsins styðja hans heils hugar. Þetta segja ensk blöð.
FSG eigendur Liverpool hafa samkvæmt fréttum látið Klopp vita að félagið styður hans í starfi þrátt fyrir brösugt gengi.
Englandsmeistarar Liverpool tóku á móti Fulham í ensku úrvalsdeildinni í fyrradag. Leikurinn endaði með 1-0 sigri Fulham en leikið var á Anfield, heimavelli Liverpool. Anfield hefur oftar en ekki reynst Liverpool vel. Völlurinn hefur verið algjört virki og erfitt fyrir andstæðinga Liverpool að ná sigri þar. Raunin hefur hins vegar verið önnur upp á síðkastið.
Tapið í fyrradag gegn Fulham var sjötta tap Liverpool í röð á Anfield. Þetta er í fyrsta skipti síðan tímabilið 1953-54 sem Liverpool tapar sex leikjum í röð á heimavelli. Eftir 28 leiki í fyrra var Liverpool með 79 stig, liðið hafði þá aðeins gert eitt jafntefli og tapað einum leik. Liðið hafði unnið 26 af fyrstu 28 leikjum tímabilsins.
Í fréttum enskra blaða kemur fram að eigendur Liverpool hafi ekki áhyggjur af því að Klopp mistekst að koma Liverpool í Meistaradeildina, fjárhagsstaða félagsins sé sterk og að félagið lifi það af að missa af sætinu í eitt ár.