Duncan Castles blaðamaður á Englandi segir að Kylian Mbappe leikmaður PSG myndi alltaf velja Liverpool fram yfir Manchester United, ástæðan sé einföld. Castlesa segir að Mbappe hafi mikinn áhuga á að spila fyrir Jurgen Klopp.
Mbappe gæti yfirgefið PSG í sumar þegar aðeins eitt ár verður eftir af samningi hans. Hann ræðir við félagið um nýjan samning en skoðar aðra kosti.
„Mbappe vill komast í aðra af stærstu deildum í heimi, hann vill taka næsta skref á ferli sínum,“ sagði Castles.
Mbappe hefur mikið verið orðaður við Liverpool síðustu mánuði. „Ef hann fer til Englands ´þa er mér sagt að draumur hans sé að fara til Liverpool, hann er mjög hrifinn af Manchester United sem félagi en hann vill frekar starfa fyrir Jurgen Klopp.“
Mestar líkur eru þó taldar á því að Mbappe færi til Real Madrid en það er draumafélagið hans. „Barcelona kemur til greina en félagið glímir við fjárhagsvandræði. Sama staða er hjá Real Madrid sem hefur verið að eltast við hann frá því að hann fór til PSG.“