Riðlum B-D í riðlakeppni Meistaradeildar Evrópu lauk nú fyrir stuttu með sex leikjum.
Milan 1-2 Liverpool
AC Milan tók á móti Liverpool á San Siro. Liverpool var búið að sigra riðilinn fyrir leikinn í kvöld.
Heimamenn komust yfir eftir tæpan hálftíma leik. Allison varði þá skot Alessio Romagnoli en Fikayo Tomori fylgdi eftir og skoraði.
Á 36. mínútu jafnaði Mohamed Salah fyrir Liverpool. Skot Alex Oxlade-Chamberlain var þá varið af Mike Maignan í marki Milan en boltinn barst beint út til Salah sem skoraði. Staðan í hálfleik var 1-1.
Divock Origi skoraði svo sigurmark leiksins á 55. mínútu. Tomori missti þá boltann á afar slæmum stað til Sadio Mane. Sá átti skot að marki sem Maignan varði en aftur beint út í teiginn þar sem Origi var mættur.
Lokatölur 2-1. Liverpool er fyrsta enska liðið til að vinna alla leiki sína í riðlakeppni Meistaradeildarinnar.
Porto 0-3 Atletico Madrid
Porto tók á móti Atletico Madrid. Staðan í hálfleik var markalaus í hálfleik en á 56. mínútu kom Antoine Griezmann Atletico yfir.
Um tíu mínútum síðar urðu gestirnir manni færri þegar Yannick Carrasco fékk rautt spjald. Stuttu síðar fékk svo Wendell í liði Porto rautt spjald. Liðin léku því tíu gegn tíu.
Angel Correa tvöfaldaði forystu Atletico með marki á 90. mínútu áður en Rodrigo De Paul skoraði þriðja markið stuttu síðar. Sergio Oliveira minnkaði svo muninn fyrir heimamenn. Lokatölur 1-3. Atletico fer því með Liverpool í 16-liða úrslitin.
Lokastaðan í riðlinum
1. Liverpool – 18 stig
2. Atletico Madrid – 7 stig
3. Porto – 5 stig
4. Milan – 4 stig
Ajax 4-2 Sporting
Ajax tók á móti Dortmund. Bæði þessi lið voru komin áfram fyrir leikinn.
Sebastien Haller kom Ajax yfir á 8. mínútu. Stundarfjórðungi síðar jafnaði Nuno Santos fyrir Sporting. Antony kom Ajax hins vegar aftur yfir skömmu fyrir leikhlé.
David Neres kom Ajax í 3-1 á 58. mínútu. Stuttu síðar jók Steven Berghuis forskot þeirra en frekar með marki. Tabata klóraði í bakkann fyrir Sporting á 78. mínútu. Lokatölur 4-2.
Dortmund 5-0 Besiktas
Dortmund fór létt með Besiktas á heimavelli.
Donyell Malen og Marco Reus komu þeim í 2-0 í fyrri hálfleik.
Reus bætti svo við þriðja markinu á 53. mínútu. Erling Braut Haaland skoraði fjórða mark Dortmund stundarfjórðungi síðar áður en hann innsiglaði 5-0 sigur á 81. mínútu.
Lokastaðan í riðlinum
1. Ajax – 18 stig
2. Sporting – 9 stig
3. Dortmund – 9 stig
4. Besiktas – 0 stig
Real Madrid 2-0 Inter
Real Madrid tók á móti Inter í stórleik.
Toni Kross sá til þess að heimamenn leiddu 1-0 í hálfleik.
Nicolo Barella fékk rautt spjald um miðjan seinni hálfleik. Inter því manni færri.
Marco Asensio tryggði Real 2-0 sigur á 79. mínútu.
Shaktar 1-1 Sheriff
Shaktar tók á móti Sheriff í Úkraínu.
Fernando kom heimamönnum yfir á 42. mínútu. Það reyndist eina mark fyrri hálfleiks.
Boban Nikolov jafnaði fyrir Sheriff í uppbótartíma. Lokatölur 1-1. Sheriff fer í Evrópudeildina eftir áramót. Það var ljóst fyrir leik.
Lokastaðan í riðlinum
1. Real Madrid – 15 stig
2. Inter – 10 stig
3. Sheriff – 7 stig
4. Shaktar – 2 stig