Ralf Ragnick, bráðabirgða knattspyrnustjóri Manchester United, segist hafa átt rúmlega tveggja klukkustunda samtal við Ole Gunnar Solskjær, fyrrum knattspyrnustjóra liðsins, sem var sagt upp störfum á dögunum.

Ragnick sat sinn fyrsta blaðamannafund í dag sem knattspyrnustjóri Manchester United og greindi frá þessu.

,,Ég talaði við hann í tæpar tvær klukkustundir á sunnudaginn. Hann var mjög gjafmildur og veitti mér góða innsýn í leikmannahópinn,“ sagði Ragnick á blaðamannafundinum í morgun.

Ragnick var í stúkunni á Old Trafford í gærkvöldi þegar Manchester United vann 3-2 sigur á Arsenal.

Hann segir Manchester United vera með lið sem geti endað í efstu fjórum sætum deildarinnar.

,,Í draumaheimi værum við stanslaust í efstu fjórum sætum deildarinnar og værum að vinna titla. Við erum enn í Meistaradeild Evrópu og getum vonandi farið lengra í keppninni. Leikmannahópurinn er klárlega nógu góður til þess að keppast um efstu fjögur sæti deildarinnar,“ sagði Ralf Ragnick, knattspyrnustjóri Manchester United á blaðamannafundi í morgun.

Enski boltinn á 433 er í boði