Engir áhorfendur fá að mæta á leik Bayern Munchen og Barcelona í riðlakeppni Meistaradeildar Evrópu í næstu viku. Það er vegna aukingu í kórónuveirusmitum í Bæjaralandi.
Bayern Munchen hefur þegar unnið riðilinn en Barcelona þarf líklega að vinna til þess að fara áfram 16-liða úrslit. Benfica mætir Dynamo Kiev á sama tíma og vinni Portúgalarnir þurfa Börsungar á sigri að halda gegn Bayern.
Áhorfendur sneru aftur á knattspyrnuvelli í flestum deildum Evrópu í haust eftir að leikið hafði verið að stórum hluta fyrir luktum dyrum á síðustu leiktíð vegna kórónuveirufaraldursins.