Lionel Messi og Sergio Ramos gengu báðir til liðs við PSG í sumar á frjálsri sölu. Nú eru þeir því liðsfélagar en áður var Messi fyrirliði Barcelona og Ramos fyrirliði Real Madrid.
Lionel Messi segist vera ánægður að vera liðsfélagi Ramos í dag eftir að hafa verið erkifjendur síðustu ár.
„Í fyrstu var þetta svolítið skrítið þar sem við höfum verið erkifjendur síðustu ár, sem fyrirliðar Barcelona og Madrid og eftir alla Clasico leikina og rifrildin sem við höfum átt á vellinum,“ sagði Messi við Marca.
„Þrátt fyrir það höfum við alltaf borið virðingu fyrir hvorum öðrum. Það er magnað að við séum liðsfélagar í dag.“
