fbpx
Föstudagur 21.janúar 2022
433

Tómas Þór leggur til að Vanda fái hið minnsta ráð hjá Grétari

Ritstjórn DV
Miðvikudaginn 15. desember 2021 08:20

© Frétt ehf / Einar Ólason / E.Ól.

Ekki missa af Helstu tíðindum dagsins í pósthólfið þitt

Lesa nánar

Starf yfirmanns knattspyrnumála hjá KSÍ hefur að einhverju leyti setið á hakanum síðasta árið. Arnar Þór Viðarsson er enn starfandi yfirmaður knattspyrnumála ásamt því að stýra A-landsliði karla.

Arnar hafði fengið mikið lof fyrir það hvernig hann byrjaði í starfi yfirmanns knattspyrnumála sem var nýtt af nálinni. Öll þau mál sem tengjast A-landsliði karla hafa svo verið í forgangi í ár og lítið hefur heyrst um hitt starfið.

Grétar Rafn Steinsson er atvinnulaus eftir að hafa starfið á skrifstofu Everton síðustu ár. Grétar sagði upp eftir að Rafa Benitez lét félagið losa sig við Marcel Brands yfirmann knattspyrnumála. Brands hafði starfað náið með Grétari sem sá meðal annars um að finna leikmenn fyrir Everton.

Eyþór Árnason/Fréttablaðið

Rætt var um yfirmann knattspyrnumála og Grétar Rafn í útvarpsþættinum Fótbolta.net á laugardag. „Hann er búinn að skapa sér sambönd víða og ég held að það sé klárt mál að hann sé að fara að fá tilboð á næstu vikum og mánuðum. Það er spurning hvort hann sé ekki á blaði hjá KSÍ varðandi yfirmann fótboltamála sem við erum alltaf að ræða,“ sagði Elvar Geir Magnússon í Fótbolta.net þættinum.

Tómas Þór telur að Grétar geti fengið meira spennandi starf en það sem er í boði hjá KSÍ. Hann vonar þó að símtal í Grétar eigi sér stað.

„Annað væri mjög skrítið – ef þau taka að minnsta kosti ekki símtalið á Grétar. Ég held að hann sé í mjög miklum möguleika að fá stærra starf og meira spennandi. Þó það sé auðvitað spennandi að stýra uppbyggingunni hér heima. Þegar þú ert búinn að smakka af leikmannamálum í Premier League, þá held ég að þú viljir halda þér á stóra sviðinu. En ég trúi ekki öðru en að Vanda (Sigurgeirsdóttir) taki allavega símtalið á Grétar og fái að minnsta kosti einhverjar ráðleggingar.“

Vanda Sigurgeirsdóttir formaður KSÍ / ©Anton Brink 2021
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Enn einn íslenski knattspyrnumaðurinn heldur út til Ítalíu

Enn einn íslenski knattspyrnumaðurinn heldur út til Ítalíu
433Sport
Fyrir 16 klukkutímum

Sjáðu myndirnar: Heimatreyju Manchester United fyrir næsta tímabil lekið á netið? – Skírskotun til fortíðar

Sjáðu myndirnar: Heimatreyju Manchester United fyrir næsta tímabil lekið á netið? – Skírskotun til fortíðar
433Sport
Fyrir 19 klukkutímum

Telur að Rooney geti verið alveg jafn ánægður hjá Everton eins og hjá Derby – ,,Ekki auðveldar kringumstæður“

Telur að Rooney geti verið alveg jafn ánægður hjá Everton eins og hjá Derby – ,,Ekki auðveldar kringumstæður“
433Sport
Fyrir 20 klukkutímum

Áfrýjun fyrrum leikmanns Manchester City í nauðgunarmáli hafnað – Fékk níu ára dóm

Áfrýjun fyrrum leikmanns Manchester City í nauðgunarmáli hafnað – Fékk níu ára dóm
433Sport
Í gær

Dreymir um að komast til Real Madrid

Dreymir um að komast til Real Madrid
433Sport
Í gær

Bayern gerir undantekningu í samningamálum fyrir Lewandowski

Bayern gerir undantekningu í samningamálum fyrir Lewandowski