Graeme Souness sérfræðingur Sky Sports segir að stærstu mistök Manchester United á síðustu árum er varðar leikmenn hafi verið að selja Jonny Evans.
Evans var seldur frá United árið 2015 en hann hafði spilað tæplega 200 leiki fyrir félagið. Louis van Gaal hafði aldrei trú á varnarmanninum knáa.
Evans hefur síðan blómstrað hjá bæði West Brom og síðan Leicester þar sem hann er lykilmaður.
„Maður skoðar leikmenn sem félagið hefur keypt og leikmenn sem félagið hefur selt,“ sagði Souness.
„Félagið leyfði Evans að fara, Evans er betri en allir þeir miðverðir sem United hefur í dag. Ég skil þetta ekki.“