Góðgerðasamtök Ralf Rangnick sem verður knattspyrnustjóri Manchester United út þessa leiktíð hafa þurft að eyða færslu sem þau settu inni í gær.
Þessi 63 ára gamli þjálfari kmur frá Lokomotiv Moskvu þar sem hann hefur verið yfirmaður fótboltamála.
Samkomulag við Rangnick er í höfn samkvæmt The Athletic. Hann bíður nú eftir atvinnuleyfi og verður ekki stjóri United gegn Chelsea á laugardag. Rangnick verður þjálfari liðsins í sex mánuði en hann verður svo ráðgjafi hjá félaginu til tveggja ára.
Samtök hans ákváðu í gær að greina frá því að allt væri í höfn en forráðamenn United hafa ekki staðfest komu Rangnick. Færslunni var eytt skömmu síðar.
Rangnick er með góðgerðasamtök í Þýskalandi en í færslunni er vonast til þess að koma hans til Englands verði til þess að samtökin fái meiri fjármuni.