Arnór Ingvi Traustason, leikmaður New England Revolution í Bandaríkjunum, vann Stuðningsmannaskjöldinn með liðinu í fyrsta sinn í sögu félagsins með 2-2 jafntefli gegn Orlando síðastliðna nótt.
Það lið sem er efst í sinni deild hlýtur Stuðningsmannaskjöldinn en New England Revolution hefur komið eins og stormsveipur í austurdeild MLS-deildarinnar í ár og er langefst í deildinni 70 stig, 21 stigi á undan Philadelphia í 2. sæti.
Nani kom Orlando yfir með marki á 39. mínútu eftir sendingu frá bakverðinum Joao Moutinho. Orlando fékk dæmda vítaspyrnu þegar brotið var á Nani í uphhafi seinni hálfleiks og Daryl Dike fór á punktinn og skoraði örugglega. Staðan 2-0 fyrir Orlando.
New England Revolution kom til baka á lokamínútunum. Pólski framherjinn Adam Buksa minnkaði muninn með marki á 81. mínútu og jafnaði svo metin með skalla í uppbótartíma. Lokatölur 2-2 og fyrsti Stuðningsmannaskjöldur í sögu Revs kominn í hús. Arnór Ingvi var byrjaði leikinn en var tekinn af velli á 64. mínútu.
Revolution stefnir nú á að vinna sinn fyrsta MLS bikar en sú keppni fer fram í nóvember þar sem sjö efstu liðin í austur- og vesturdeildunum mætast. Revolution hefur einnig tryggt sér sæti í Meistaradeild Ameríku á næstu leiktíð.
🛡✅ Not done yet😤 #Nerevs https://t.co/IjlLYYiSiN
— Arnór Traustason (@NoriTrausta) October 23, 2021
